Miapela karon ang Police Regional Office – ARMM sa mga kabanay ni Datu Montawal Municipal V-Mayor Datu Ohto Montawal nga walay iregularidad ang gilusad nga search warrant operation sa kapulisan niadtong milabayng semana sa panimalay sa target sa may Barangay Talapas Datu Montawal Maguindanao.
Matud pa ni PSI Jemar delos Santos, tigpamaba sa Police Regional Office – ARMM, nga walay kamatuoran ang mga aligasyon sa pamilyang MOntawal nga adunay mga gipanguhang mga alahas nga mukabat sa 3 million pesos ingon man ang cash nga mukabat sa 400,000 sulod mismo sa vault.
Apan misaad karon si Regional Director PCSupt. Graciano Mejares sa PNP ARMM nga iyahang paimbestigahan ang maong akusasyon batok sa iyahang mga myembro sa raiding team sama sa PRO-ARMM, Mindanao Area Police Intelligence Office, Regional Mobile Force Battalion (RMFB14) Regional Intelligence Division ng PRO-ARMM, CIDG RFU11, RIU 15 at Datu Montawal Municipal Police Station. (Emir Bariquit)
