Aktibo ang status ni PO2 Melvin Mocorro sa Police Regional Office – ARMM .
Ini ang ginkumpirmar mismo ni SPO4 Ana Marie Penunial , chief clerk sa PRO-ARMM.
Suno kay Penunial, epektibo Enero 9, 2017, ginrelieve si Mocorro sa Criminal Investigation and Detection Group (CIDG) kag ginre-assign sa PRO-ARMM.
Nag-abot si Mocorro sa Autonomous Region in Muslim Mindanao sadtong Enero 23, 2017 kon sa diin gin-assign ini sa Regional Moblie Force Batallion 14 sa idalom ni PSupt. Danilo Bacas .
Nahibaluan nga nagapabilin nga palaligban kon ano ang ginahimo ni PO2 Melvin Mocorro sa Iloilo apisar sa ARMM ini naga-duty.
Kahapon, gin-hospital arrest si Mocorro sang Arevalo PNP sa kaso nga frustrated murder kasunod sang pagkumpirmar ni PO1 Dorben Acap nga si Mocorro ang nagluthang sa iya sang nagligad nga Martes sa Dulonan, Arevalo.
