Mapasigarbuhon ug mapasalamaton si PNP Caraga Regional Director PBGen. Romeo Caramat , Jr. sa kapulisan sa Caraga human gi-anunsyo nga ika-lima ang Police Regional Office-13 sa gipahigayong Unit Performance Evaluation sa Philippine National Police sa tibook nasud.
Nakuha sa PRO-13 ang 93.62% overall rating sa Operational ug Administrative Performance.
Gitumbok sa opisyal na ang Police Community Relation Division, Information and Communications Technology Management, Plans and Strategy Management Division, ug ang Research and Development Division ang nag-top samtang ang Human Resource Doctrine and Development ang second place; Intelligence Division, Logistics and Research and Development Division, ug ang Personnel and Records Management ranked eight; Comptrollership Division ranked ninth; Operation Management nabutang sa 13th place ug ang Investigation and Detective Management Division ang 14th place.
Madumduman nga si BGen. Caramat ang ranked number 2 usab sa gipahigayong Individual Commander’s Evaluation Rating sa PNP sulod sa 17 ka mga Police Regional Directors nationwide.
Sa interview sa RMN DXBC Butuan kang BGen. Caramat, matud pa nahimong nagmalamposon sa operasyon ang kapulisan sa Caraga hinungdan nga nakab-ot ang taas nga rating diin siya ang nagsilbi coach ug ilang gi-adoptar ang basketball principles dungan sa paghinaot nga unta magpadayon kini nga performance sa PRO-13 samtang siya pa ang Regional Director. [image: rd caramat award.jpg]
