Davao City- Ang mga pro-Duterte sa pagpanguna sa Rody Duterte Supporters Group sa tibuok Pilipinas nga gilangkuban sa nagkadaiyang grupo magpahigayon usab og rally aron isinggit ang tinuod nga pagbag-o tugbang usab sa himoong protesta sa mga militanteng grupo nga gipangunahan sa taga-opposition karong adlawa, ang gideklarang national day of protest ni Presidente Rodrigo Duterte.
Sumala ni Mar Masanguid, chairman sa maong organisasyon, mopahigayon sila og martsa sa Mendiola aron i-singgit ang tinuod nga kabag-ohan sa Pilipinas sa kapin 50 mil ka mga supporters ni Duterte.
Matud ni Masanguid, duna pu’y himoong mga pagmartsa sa uban pang mga probinsya lakip na ang Davao, aron ipahibalo sa katawhan ang mga gihimong kabag-ohan sa kasamtangang administrasyon ni Presidente Duterte.
Samtang dinhi sa Davao gibutyag usab ni Barangay Captain Rolando Trajera sa Barangay 76-A Bucana, membro sa Rody Duterte Supporters Group, suportado nila ang maong kalihukan ug andam silang mopahigayon og bisan unsang pagpasibaw nga himoon aron ipahibalo sa katawhan ang kabag-ohan nga nahimo ni Presidente Duterte.
RadyoMan Bernard Pantallon
