Davao City- Gawas nga magpahigayon karong adlawa og lihok protesta ang nagkadaiyang progresibong grupo sa nasud sa Pilipinas aron ipasibaw ang ilang mga mulo ngadto sa gobyerno subay sa 45th martial law commemoration, magpahigayon usab og usa ka dakong aktibidad ang mga supporters sa administrasyong Duterte.
Sa interbyu sa DXDC RMN Davao kang Kapitan Mar Masanguid, Founder ug National President sa Solid Duterte Supporter’s Group D’ Original Nationwide, gibutyag niini nga unyang ala 1:00 sa hapon ipahigayon nila ang usa ka programa agig pagpakita og suporta sa presenteng administrasyon sa Mendiola Manila kauban ang uban pang pundok sa mga pro-Duterte aron sa pagsinggit sa tinuod nga pagbag-o sa Pilipinas.
Gibana-banaang anaa sa 30 mil ngadto na sa 50 mil ka mga tawo ang gilaumang musalmot sa nasangpit nga aktibidad.
Posibleng magtagbo sa kalsada karong adlawa ang demonstrasyong pro-Duterte ug kontra-rehimen.
RadyoMan Renz Barbarona
