Davao City – Nagpabiling taas ang moral sa kapulisan sa Davao Region human sa pagkaaresto sa usa ka pulis ug kauban niining igsuon sa opisyal sa Davao City Police Office.
Sa interbyu sa RMN Davao kang Police Major Jason Baria, Police Regional Office kun PRO XI spokesperson nga dili sila magpanukong panggukdon kadtong mga nahilambigit sa droga bisan pa man katropa nila kini.
Matud ni Baria hugot nila karong ginamonitor ang 3 ka mga police officials ug 7 ka mga Police Non-Commissioned Officers nga anaa ilawom sa PRO XI Watchlist.
Segun ni Baria samtang wala pa na clear ang mga pangalan sa maong mga pulis wala kini karoy gihawirang key positions.
Matud pa kining napulo ka mga pulis nigula ang mga pangalan subay sa mga interbyu sa mga naarestong drug suspects ug sa validation usab sa mga intel operatives.
Samtang gikanayon ni Baria nga usa ka drug protector ang nadakpang si Police Staff Sergeant Elcelito Marandan Colita nga sakop sa Marilog PNP kang Glen Art Muring.
Si Muring kanhi na nga napriso tungod gihapon sa droga ug nakagawas kini pinaagi sa plea bargaining apan padayon gihapon kining nalambigit sa droga.
Sa mas gipalawmang imbestigasyon karon, susihon usab kung aduna pay mga pulis nga kauban usab ni Colita.
Sa karon gi-relieved na usab isip hepe sa DCPO Personel Dept. si Police Major Peter Jhon Muring ug Marilog PNP station commander Police Capt. Merlito Tubog.
RadyoMaN Aimee Guinita
