PRO XI alerto vs NPA attacks

23

Davao City- Gipakusgan sa Police Regional Office XI ang ilang security measures human nga gipagula na kagahapong adlawa sa palasyo sa Malacañang ang RA. No 10168 kun pagdeklara sa CPP NPA isip usa na ka terrorist organization.

Gikanayon ni PCI Andrea Dela Cerna ang tigpamaba sa PRO XI nga gipaalerto ang tanang kapulisan sa Davao Region ilabina sa mga istasyon nga bulnerable sa mga ataki sa NPA.

Karong Disyembre 26 ang anibersaryo sa CPP NPA busa gimanduan ni PCSUPT. Manuel Gaerlan ang tanang unit commanders nga i-intensify pa ang ilang intel gathering aron dili madehado sa mga kalaban.

Matud ni Dela Cerna kinahanglang magpabiling nakaalerto kanunay ang kapulisan batok sa mga di matagnang pagataki sa mga giingong Special Partisan Unit (SPARU) sa New People’s Army diin daghan nga kapulisan ang nabiktima ug nakalas ang kinabuhi.

RadyoMan Aimee Guinita

Facebook Comments