Davao City – Hangtod karon wala pay lead ang kapulisan aron maila ug masulbad ang ‘chop chop’ incidents sa rehiyon hangtod nga dili mailhan ang mga biktima.
Sumala ni Police Regional Office (PRO-XI) Regional Director P/Chief Supt. Marcelo Morales, maglisud sila sa pagtumbok kung kinsa ang naghimo sa krimen tungod kay wala pay mga tagtungod ang mga biktima nga makuhaan sa impormasyon nga maoy basehan sa ilang imbestigasyon.
Tungod niini nanawagan sila sa mga tawo nga nawad-an og membro sa pamilya nga mopatim-aw sa kapolisan aron mailhan ang mga biktima.
Giangkon ni Morales nga lisud kini alang kanila hangtod nga walay moila nga tagtungod sa mga putol-putol nga lawas sa tawo nga nakaplagan sa nagkadaiyang dapit sa syudad sa Davao ug Island Garden City of Samal (IGACOS).
RadyoMaN Bernard Pantallon
