General Santos City—Tingkagol na sa silda sa Police Station 6 ang usa ka 18 anyos nga lambigit sa riot nga nahitabo sa Santiago Boulevard, ala 1:00 ang takna sa kabuntagon.
Giila ang suspek nga si Ranie Dalagan, 18, residenti sa Purok Paradise, Barangay Tambler, Gensan.
Subay sa report sa Police Station 6 nasuta nga nakadawat nalang sila ug report nga matud pa dunay natigayong gubot sa maong lugar ug dihang girespondihan ila gyud nga naabtan ang mga batan-on nga nagriot.
Ang suspek lang nga si Ranie Dalagan maoy nadakpan human nga nanagan ang ubang mga lambigit niini.
Narekober sa kapulisan ang kutsilyo nga anaa sa sling bag sa nasangpit nga suspek. Karong adlawa gikatakdang pasakaan ug kaso ang nasangpit nga suspek.
Facebook Comments
