Davao City – “Operational’ na karong Biyernes (October 23, 2020) ang gitukod nga RT-PCR (Reverse Transcription–Polymerase Chain Reaction) Molecular Laboratory sa Police Regional Office (PRO-XI) nga anaa sulod sa Camp Sgt. Quintin M Merecido, Buhangin, Davao City.
Sa interbyu sa DXDC RMN Davao kang Police Major Eudisan Gultiano, PRO-XI Spokesperson, gibutyag niini nga inagurahan karong Biyernes ang maong pasilidad diin magsilbi kining testing facility sa mga suspected sa COVID-19 (Coronavirus Disease 2019) nga PNP personnel, ilang dependents, mga authorized civilian patients nga kinahanglan i-test, ug mga medical health workers/frontliners.
“This (facility) is back up din sa (COVID-19) testing ng mga frontlines natin. Sa ngayon, ang priorities po natin are the PNP personnel,” segun ni Gultiano.
Nasayran nga ang maong proyekto, usa ka inisyatibo ni former Chief, PNP Archie Francisco Gamboa aron mapalapdan pa ang COVID-19 testing center sa mga PNP personnel sa Mindanao labi na nga padayon usab ang pagtaas sa kaso sa COVID-19 ug adunay mga personahe sa kapolisan ang infected sa virus.
RadyoMaN Kirby Manzon
