Davao City- Hugot nga nagpahimangno sa publiko ang PNP nga epektibo gihapon ang Election Gun Ban bisan pa man natapos na ang piniliay niadtong Mayo 9, 2022.
Sa interbyu sa RMN Davao kang Police Major Eudisan Gultiano, Police Regional Office XI spokesperson subli nilang gipahimangnuan ang katawhan nga magpabilin sa pagsunod sa balaod aron dili kini makasuhan sa paglapas sa gun ban.
Sumala sa Commission on Elections (Comelec) Resolution No. 10728, bawal ang pagdala, pagbitbit ug pagbyahe og firearms o deadly weapons outside of the residence ug sa tanang pampublikong lugar gikan Enero 9- Hunyo 8, 2022.
Sa datos sa Enero 9 hangtod Mayo 20, 2022 nakatala og 158 operations diin 168 ang sumada sa nadakpan, 161 ang nakumpiskang armas, 28 ka deadly weapon samtang 687 ka mga bala ang nakumpiska.
RadyoMaN Aimee Guinita
Facebook Comments
