Davao City- Gumikan sa nagkadauol nga adlaw sa kapaskuhan ug bag-ong tuig, angay magmabinantayon kitang tanan sanglit mao man usab kini ang sagad panahon diin mosi-aw ang mga dautan sama sa mga kawatan kun pickpockets ilabi na dinha sa mga malls ug mga lugar diin dagsa ang tawo.
Ang pahinumdom subling gi-anunsyo ni Police Regional Office (PRO-XI) regional director Chief Supt. Manuel Gaerlan kinsa nanawagan usab sa katawhan nga mag-amping kanunay ug mag-doble-igmat diha sa ilang personal nga mga kagamitan.
“We remind the public na kung kayo ay nag sho-shopping, nag tra-travel secure your belongings. We have officers doing this, sending out reminders to the public. Of course our intelligence operatives are checking kaya dito sa Davao City may Oplan Bulabog, this is part of the preparation for major activities such as Christmas because na di-disrupt yung mga activities din ng mga criminal elements.”
Mokabat sa 90% sa pwersa sa kapulisan sa Davao Region i-deploy ngadto sa tanang simbahan, malls, mga establisimyento-komersyal karong kapaskuhan ug bag-ong tuig.
Gipasalig sa hepe sa rehiyunal nga kapulisan nga doble-alerto ang mga tinugyanan sa balaud haron maseguro lamang ang kaluwasan sa tanan ug mamahimong malinawon ug hapsay ang holiday season pinaagi sa pagpugong sa mga dautang insidente.
“On christmas eve and new year’s eve definitely all of us will be on duty to prevent unlawful illegal discharge of firearms and hopefully zero victims ng stray bullets. We will be very strict on the enforcement of illegally discharge of firearms. Kung meron kaming makikitang magpapaputok sa loob ng compound, sa loob ng bahay, papasukin namin, that is hot pursuit operations,” segun ni Gaerlan.
RadyoMan Aimee Guinita
