Davao City – Gipahimangnoan sa Police Regional Office kun PRO XI ang katawhan ilabi na ang mga motorista ug mga drivers nga mag-igmat sa bag-ong modus karon nga mao ang ‘taho-lako-bundol’ o ‘TALAKBU’ modus.
Sumala sa PRO XI nga bisan wala pa kini dinhi sa syudad sa Davao diin matud pa sagad nahitabo kini sa Manila, nagpasidaan na sila daan aron dili mabiktima sa nasangpit nga modus.
Ang ‘TALAKBU’ usa ka bag-ong modus diin ang mga suspek nagpakaaron ingnong magtataho o nagapamaligya og taho diin og dunay masugatan nga motor o sakyanan, magpakalit sila og bangga sa sakyanan human mangayo dayon og cash settlement aron dili na magpasaka og kaso.
Hinungdan nga alerto karon ang kapulisan sa rehiyon ug gipasidan-an ang mga drivers kabahin sa maong modus.
RadyoMaN Renz Barbarona
