Davao City – Patas nga iimplementar sa kapulisan ang balaud ngadto sa pribado ug pampublikong sam-ang.
Kini ang gipaniguro ni Police Regional Office 11 (PRO-XI) Regional Director P/Chief Supt. Marcelo Morales human kini gipangutana bahin sa trato sa mga pamilya nga anaa sa moseleo ang ilang mga minatay.
Gani, hugot ang ilang ipatuman nga inspeksyon atol sa pagsulod sa katawhan diha sa mga sam-ang.
Sumala ni Morales nga adunay duha ka linya nga ipasubay alang sa babaye ug lalaki diin usa-usahon nga ablihan ang mga dala niini sama sa bags, packed lunch, botelya sa softdrinks lakip na ang mga botelya nga sudlanan og gatas sa mga bata aron masiguro nga walay makalusot nga kontrabando sama sa bino.
Dugang niini, masuta usab og adunay dala nga iligal nga droga ang usa ka tawo gumikan nagdeploy usab sila og K-9 Units.
RadyoMaN Jason Amisola
