UNDASPOT: Usa ka PUJ Driver positibo sa droga

23

Davao City – Usa ka PUJ driver ang nagpositibo sa droga sa Philippine Drug Enforcement Agency kun PDEA XI OPLAN UNDASPOT sa Davao City.

Matud ni PDEA XI Regional Director Antonio Rivera nga ang maong driver usa kini sa mga 50 ka mga taxi ug PUJ drivers nga ilang surpresang gi-drugtest samtang nagpahigayon og seminar sa Land Transportation Franchising and Regulatory Board XI sa Davao Recreational Center.

Sumala ni Rivera nga dili arestuhon ang nagpositibo apan ipailawom kini sa confirmatory drug test aron iberipika ang inisyal nga resulta.

Gipasalig sa PDEA XI ngadto sa LTFRB ang posibleng mamahimong silot sa maong driver.

Sulod sa tulo ka adlaw nga operasyon, 212 ka mga drayber sa pampasaheruan, konduktor ug mga empleyado sa Mae Wess Co. Inc ang napailawom sa drugtest.

Gitataw ni Rivera nga lauman nga magpadayon ang maong operasyon aron masiguradong luwas ang mga pasahero.

RadyoMaN Aimee Guinita

Facebook Comments