Davao City – Gipanganti sa Police Regional Office XI nga solbaron ang mga kasong pagpamusil-patay dinhi sa Davao Region.
Sa interbyu sa RMN Davao kang Police Major Eudisan Gultiano, gimanduan ang tanang unit commanders diin nahitabo ang mga krimen nga resolbahon kini.
Sumala ni Gultiano dili gayod tanang lugar malukop og bantay sa mga awtoridad sa kakulangon usab sa pulis ug sa kadako sa lugar ug populasyon.
Gi-require usab ang mga commanders nga musumite’g reports sa dagan sa mga kaso sa shooting incidents ug mga motibo sa insidente.
Gipakusgan pa sa kapulisan ang pagbantay aron masigurong luwas ang publiko bisan dakong hagit kanila ang pandemya diin dili dali nga makita ang dagway sa mga tawo tungod sa face masks requirements.
Panawagan ni Gultiano sa katawhan nga mutabang sa pagreport sa mga suspisyusong mga tawo ug ireport gilayon kini sa kapulisan.
RadyoMaN Aimee Guinita
