PRO-XI: ‘Zero crime’ sa Paquiao-Matthysse fight

49

Davao City – Mapasalamaton ang Police Regional Office 11 gumikan na-zero crime rate ang rehiyon onse atol sa nahitabong away ni welterweight champion Senador Manny Pacquiao ug sa napildi nga Argentinian Boxer nga si Lucas Mathysse.

Matud ni PRO-11 spokesperson Police Chief Inspector Milgrace Driz nga nag-generally peaceful ang tibuok rehiyon tungod sa binukbukay nila Pacquiao ug Mathysse nga gipahigayon sa Kuala Lumpur Malaysia adlawng Dominggo.

Suma ni Driz, walay natala nga insidente ug krimen sa tanang dapit sa rehiyon samtang nagsinukmagay sila Pacquiao ug Mathysse hangtud nahuman ang away sa duha ka boksingero.


Giingon ni Driz, majority sa mga Dabawenyo nakatutok sa away sa duruha lakip na ang mga kriminal hinungdan nag-zero crime ang tanang dapit sa rehiyon onse.

Dugang sa opisyal nga sa matag away ni Pacman matala gayod ang zero crime sa atong dapit.

RadyoMaN Joel Viray



Facebook Comments