General Santos City– Gipaklaro ni Police Chief Superintendent Marcelo Morales, Regional Director sa Police Regional Office 12 nga gina-monitor nila ang tanang aktibidad sa ilahang sakop.
Kini aron nga dili mahisama sa mga pulis sa ubang rehiyon nga nahilambigit sa managlahing krimen sama sa gun for hire, kidnap for ransom ug uban pa.
Pamahayag niya nga aduna silay counter intelligence nga ginahimo ug higayon nga makadawat ug mga impormasyon, gilayon nila kining gina-validate.
Samtang sa hisgutanang illegal nga droga, anaa gihapon ang pagmonitor nila sa ilahang kapulisan isip parte sa internal cleansing.
Gawas sa mga miyembro sa kapulisan ug uban pang law enforcement unit, anaa usab ang ilahang mga operasyon batok sa mga sibilyang nagpabilin sa illegal nga aktibidad.
Gani, nakatakda matud pa silang magpahigayon ug one time, big time nga operasyon sa managlahing parte sa rehiyon kontra droga pinaagi sa multiple search warrant. (Lore Romualdo)
