General Santos City–Gipaniguro ni Police Brigadier General Alfred Corpuz ang Regional Director sa Police Regional Office 12 nga sila sa PRO-12 ang dili gayud mag supak sa kamanduan ni Presidente Rodrigo Duterte nga cease fire tali sa NPA aron nga hatagan ug dalan ang peace talks sa maong grupo.
Sumala pa ni RD Corpus nga bisan paman ug nakasupak na ang NPA sa maong Cease Fire Agreement tali sa goberno sila matud pa sa PNP ang dili magbuhat ug unsa mang aksyon aron nga masupak ang kamanduan ni Presidente Duterte gani nagtuo man usab kini nga bisan ang AFP ang dili mosupak niini.
Dugang pa ni General Corpus nga gikinahanglan nga mamahimo silang masaligon sa ipahigayon nga proseso tungod mao kini ang buot mahitabo sa presidente ug naglaum usab sila nga maka amgo ang NPA nga bisan unsaon nila dili gayud sila ka daog sa goberno ug mas maayo nga ilahang seryusohon ang Peace Talk tali sa goberno. (Dave Silagan)
