General Santos City— Aduna pay hustisya nga maangkon ang mga miyembro sa media nga gipangpatay sa dakbayan ug sa rehiyon. Kini ang gibutyag ni Police Superintendent Aldrin Gonzales, tigpamaba sa Police Regional Office 12.
Sumala niya nga higayon nga adunay maitalang pagpatay sa miyembro sa media, gilayon silang nagahimo ug Special Investigation Task Group kon SITG nga maoy mututok sa kaso.
Pasabot nga dili lung-an hangtud nga dili masulbad. Apan iyahang gibutyag nga dili man masulbad gilayon, apan iyahang gipaniguro nga adunay maangkon nga hustisya ang mga biktima.
Dugang pamahayag ni Supt. Gonzales nga usa gyud sa mga hinungdan sa dugay nga pagsulbad sa mga kaso mao gyud ang ebidensya.
Pagpaklaro niini nga direktiba gyud gikan sa National Headqaurters ang pagsulbad sa kaso gumikan dili matud pa kini mamahimo nga pasagdan ug baliwalaon.
