General Santos City— Dili angayang kahadlukan sa kapulisan ang nahimong bahad sa rebeldeng New People’s Army kon NPA nga andam silang mupatay ug usa ka opisyal kapulisan, militar ug negosyador matag adlaw.
Sumala kang Police Chief Superintendent Marcelo Morales, regional Director sa Police regional Office 12 nga andam silang atubangon unsa man ang bahad sa rebeldeng grupo tungod ug alang sa kalinaw sa ilahang ginsakupan isip parte sa ilahang gipanumpaang trabaho.
Apan gibutyag niini nga kanunay ang iyahang pahimangno ngadto sa tanang kapulisan sa rehiyon nga magdoble sa pagbantay sa ilahang siguridad ug kung mamahimo bag-uhon nila ang ilahang mga routine sa matag adlaw aron nga dili daling ma-trace sa mga kalaban.
Pagpaklaro ni General Morales nga wala nila ginabasihan ang bahad, gamay man o dako, tinuod man o dili kung asa kini ang ilahang ginaseryoso gumikan kinabuhi ang ginahisgutan.
