General Santos City— Gipasalamatan ni Police Chief Superintendent Marcelo Morales, Regional Director sa Police Regional Office 12 ang katawhan gumikan sa suportang ginahatag ngadto sa kapulisan.
Atol sa selebrasyon sa ika 27 katuig nga anibersaryo sa Police Regional Office 12, gibutyag niini nga sila sa kapulisna ang andam nga muhatag ug serbisyo sa kumyunidad pinaagi sa managlahing operasyon ingon man police visibility.
Panghinaut niya nga magpadayon ang pagtinabangay sa katawhan, lokal nga panggamhanan ug kapulisan aron nga mas mapalambo pa ang rehiyon 12.
Pag-angkon niya nga sulod sa 27 ka tuig sa PRO 12, ubay-ubay na nga hagit ang ilahang gi-atubang, apan tungod sa tabang sa katawhan pinagai sa paghatag ug impormasyon, ilaha kining nalampasan.
Busa sa umaabot pang katuigan, iyahang gilauman nga magpabilin ang suporta sa katawhan ngadto sa kapulisan hilabina nga sa karon, adunay dagkong hagit nga gina-atubang ang kapulisan sama sa pagbatok sa illegal nga droga ug terorismo.
