General Santos City— Suportado sa kapulisan ang pag-apruba sa martial law extension sa Mindanao hangtud sa Disyembre 31, 2019.
Sumala kang Police Superintedent Aldrin Gonzales, Spokesperson sa Police Regional Office 12 nga dakong tabang alang sa kapulisan ang pagdeklara ug martial law.
Pamahayag niya nga pinaagi sa martial law mas mapabilin ang kalinaw sa Mindanao ug mas daghan ang ilahang mahimo partikular na sa pagpahigayon ug mga operasyon.
Dugang pamahayag ni Supt. Gonzales nga sulod sa halos duha ka tuig na nga martial law sa Mindanao wala matud pa silay nailatalang mga pagpangabuso.
Bisan matud pa ang labaw sa human rights advocate sa rehiyon 12 ang nagbutyag nga base sa datus wala matud pa naitalang human rights violation.
Samtang gibutyag ni Supt. Gonzales nga magpabilin ang ilahang ginahimong operasyon, checkpoint ug mga law enforcement operation sa martial law extension.
