General Santos City— Gipaklaro ni Police Superintendent Aldrin Gonzales, tigpamaba sa Police Regional Office 12 nga naka-red alert ang tibuok rehiyon gumikan sa nagpadayong martial law sa mindanao ug sa ginapatumang COMELEC gun ban alayon sa nagisngabot nga piniliay sa Mayo 14.
Apan giyahang gi-angkon nga bisan ug hugot ang ginahimong pagbantay sa siguridad aduna gihapo’y makalusot sama sa nahitabo sa Kiamba, Sarangani.
Ang nahitabo matud pang pagpamausil-patay sa kapitan sa Brgy. Tambilil nga si Reynardo Amador ang tulubagon na sa hepe sa Kiamba Municipal Police Station ug kung unsaon niini pagsulbad ang maong kaso.
Dugang pamahayag ni Superintendent Gonzales nga sa karon wala pay nadeklarang election hot spot sa rehiyon kung asa adunay tulo ka kategorya ga basehan sa pagbutang sa usa ka lugar sa election hot spot.
Una, kung adunay init nga away sa pulitika tali sa managlahing partido o kung adunay mga gipangpatay gumikan sa away sa pulitika.
Ikaduha kung aduany presensya sa Private Armed Group sama nalang sa presensya sa rebeldeng grupo nga BIFF o dili ba kaha NPA, ug ikatulo kung adunay init nga away sa pulitika ug presansya sa Private Armed Group.
