*General Santos City— Seryoso ang Police Regional Office 12 sa programang BMI ni PNP Chief Archie Gamboa aron nga maangkon sa kapulisan ang saktong timbang aron nga dili maglisod panahon sa mga operasyon.*
*Sumala kang Brig. Gen. Alfred Corpus, Regioanl Director sa PRO 12 nga sa rehiyon 12, ilahang ginatutukan ang maong programa gani aduna mga pulis gikan sa managlahing provincial ug city headqaurters ang gipadala sa regional headquarters aron nga matutukan ang pag-ubos sa ilahang timbang.*
*Saysay niya nga dili para kanila ang maong programa kundili para mismo sa mga pulis nga mapabilin silang himsog ug aron nga ilahang mahimo ang ilahang obligasyon sa publiko.*
*Dugang pamahayag ni Brig. Gen. Corpus nga sulod sa halos duha ka semana, nibawas na ug halos lima a kilo ang mga pulis nga gipang-capture sa pro 12. Iyahang gikalipay nga adunay improvement ngadto na sa mga nasangpit nga pulis kung asa mulugntad hangtud sa bulan sa Abril ang maong programa.*
*Samtang sa karon, nakunhuran na ang kapin 300 ka mga pulis nga una ng gipatawag sa PRO12 ug hinay-hinay ng gipabalik sa nagkada-iyang presinto aron nga mahimo ang ilahang mga tahas.*
