Gipahinumduman karon sa Police Regional Office-9 ang publiko ilabi na ang mga “Netizen” dinhi sa tibuok rehiyon kalabot sa pagpasa-pasa sa mga dili beripikadong impormasyon kalabot sa Corona Virus- 2019 diha sa social media sama sa Facebook nga likayan aron dili makahatag ug kabalaka ngadto sa publiko.
Gipasabot ni PRO9 Regional Director PBGEN Froilan Quidilla, ang pagpakatap ug dili insakto balita o mga impormasyon, usa kini ka kalapasan ug punishable by law ug si kinsa man ang masakpan o mahibaw-an nga mopakatap pasakaan kini ug tukmang kaso nga moresulta sa pagka priso sulod sa 6 ka bulan ngadto na sa 6 ka tuig.
Giklaro ni Dir. Quidilla nga dili mag duha-duha ang mga pulis nga mopasaka ug kaso sa mga responsable sa fakenews ilawom sa R.A 10175 section 6 (Cybercrime Prevention Act of 2012)”.
Ang sakop karon sa PNP pakusgan ang ilang pag monitor diha sa mga cyber space aron matino ang tinubdan sa fakenews ug mailhan kun kinsa ang unang account ang nagpakatap.
Nanawagan nalang ang kapulisan sa katawhan nga pabiling magbinantayon ug magma-igmat ug I taho sa kapulisan ang si kinsa man nagpakatap ug dili insaktong impormasyon
