Ang Police Regional Office 9, pinaagi ni Regional Director PCSupt. Billy Beltran uban sa iyang ginsakpan, mibisita sa ikaduha ka higayon didto sa munisipalidad sa Sirawai, Siocon, ug Sibuco sakop ning atong probinsya sa Zamboanga del norte.
Si Regional Director Beltran, giubanan kini sa iyang mga staff lakip na si PSSUPT. Raul Tacaca, ang atong Provincial Director dinhi sa atong probinsya; PSSUPT Redentor L. Retusto, Batallion Commander, RPSB9; PSupt. Madzgani M. Mukaram, chief regional police community relations division ug si PSupt. Ferjen T. Torred, OIC Regional Intelligence Division.
Ang unang munispyo nga ilang gibisita mao ang Sirawai niadtong Nov. 3, 2017 nga kung diin ilang gi inspeksyon ang katakos sa kapulisan sa maong area. Ang tropa sa mga kapulisan ge pakita nila ang kapasidad panahon sa kung adunay panghitabo nga pagpangdagit.
Sa moang pagbisita sa nahisgutan nga lungsod, nanghatag usab sila ug regalo nga school supplies sa gatusan ka mga Kindergarten ug mga studyante sa Piña elementary school, naka dawat usab ang mga Muslim indigent community sa maong lungsod.
Sa susamang adlaw gipahigayon usab nila ang traditional boodle fight uban sa PNP, AFP, ug opisyales sa Sirawai sa pagpangulo ni Mayor Gamar Jahinim.
Sunod nga ilang gibisita mao ang Lungsod sa Siocon alang sa Command Conference uban sa Chief of Police sa 3rd district Zamboanga del norte police provincial office (ZNPPO). Ang maong panagtigom gipahigayon didto sa ABS Hotel uban sa Sicon MPS pinaagi sa ilang mayor nga si Julius Lobrigas, anaa usab ang mga representante gikan sa MNLF, MILF, ug indigenous People
Human nga ilang nabisita ang duha ka lungsod, niadtong Nov. 4, nahidangat sila sa lungsod sa Sibuco aron usab susihon ang mga armas ug mga ekipo sa kapulisan sa maong lungsod. Nag awhag usab si Regional Director nga bantayan ang ilang area of responsibility aron ma mentenar ang kahapsay ug kalinaw sa maong dapit.
Nanghatag usab sila ug school supplies ngadto sa mga indigent muslim nga studyante. Gibisita usab nila ang pamilya sa namatay nga biktima nga si Eduardo N. Sereno nga namatay ilawom sa kustodiya sa kapulisan didto sa Zamboang City. Gisaaran usab sa PRO9 nga hatagan ug hustisya, lakip na usab grocery items ug livelihood assistance sa nahisgutan nga biktima.
