TACLOBAN CITY – Nangunguna an pira nga bungto ha probinsya han Samar ha mga listahan han nutritionally-depressed areas ha Sinirangan Bisayas tungod han hataas nga poverty incidence.
Sumala kan National Nutrition Council (NNC) Senior Nutrition Officer Nino Archie Labordo, 14 ha top 30 nga bungto in tikang ha probinsya han Samar nga damo iton mga malnourished nga kabataan.
Nangunguna ha listahan an remote nga bungto han Matuguinao, Samar nga mayada 29 percent nga mga kabataan nga categorized kumo severely undernourished, ini in seryoso nga kondisyon ha mga pre-school children ha lugar.
Lakip gihapon ha top 30 nutritionally depressed areas ha Samar an Gandara, Jiabong, San Jose de Buan, Paranas, Santa Margarita, Santa Rita, San Sebastian, Villareal, Zumarraga, Basey, Pagsanghan, Santo Niño, ngan Tagapul-an.
Waray naman naging komento tikang ha Samar Nutrition officials hini nga naging resulta.
Apil gihapon ha top 30 areas an Babatngon, Burauen, Calubian, San Miguel, Abuyog, Palo, Macarthur, Carigara, Pastrana ha Leyte; San Policarpio, Jipapad, Oras, Can-avid, ngan San Julian ha Eastern Samar; Silvino Lobos ha Northern Samar; ngan Naval ha Biliran.
An malnutrition sumala han World Health Organization in diri tama ngan kulang iton sustansya ngan kusog hiton mga kabataan.
Naghangyo naman an NNC ha Local Government Units nga magkamayada plano para masolusyunan ini nga problema nga malnutrition. Magkamayada Philippine Plan of action for Nutrition 2017-2022.
