GI-ANUNSYO sa buhatan sa Presidential Communications Operations Office (PCOO) sa pagpanguna ni Secretary Jose Ruperto Martin M. Andanar, nga usa ang Pangagamhanang Probinsyal sa Bukidnon sa nakadawat sa pasidungog ug pag-ila sa katukoran sa Freedom of Information (FOI), nga nakita bag-ohay lang pinaagi sa live streaming sa FOI Philippines Facebook Page, Nobyembre 25, 2020.
Ang 2020 Freedom of Information (FOI) Award, ubos sa FOI Recognition, usa ka tinuig nga pasidungog nga gimugna pinasikad sa Executive Order No. 02 ni Presidente Rodrigo Roa Duterte niadtong tuig 2017 nga nag-rekognisa ug nag-ila sa pagkamahinungdanon sa mga ahensya ug LGU’s nga nagtabang sa maong buhatan nga mamahimong bukas, transparent, ug naghimo sa ilang tulubagon sa pagdumala sa pangagamhanan.
Sa impormasyon nga natala gikan sa Philippine Information Agency nga lakip nga kwalipikado sa maong award ang mga government offices sa Executive Branch sa mga Local Government Units (LGU’s), Government-owned and/or Controlled Corporations (GOCCs), State Universities and Colleges (SUCs), ug local water districts.
Sa tibuok nasud, aduna lamang 21 ka mga probinsya ang bag-ong nakasumite sa FOI Ordinance ug dinhi sa Rehiyon 10, ang probinsya sa Bukidnon lamang ang nakasumite, base sa natigayon nga live streaming sa FOI Philippines Facebook Page.
