Roxas City, Capiz – May yara na gid lamang sang siyam (9) ka mga aktibo nga kaso sang COVID-19 ang probinsya sang Capiz. Ini matapos nga may yara sang duha (2) ka mga new cases kag duha (2) man ka mga new recoveries ang narekord kahapon nga adlaw, Pebrero 4, base sa ginpaguha nga update sang Capiz Provincial Health Office (PHO). Ang mga new cases ang nahibaluan nga isa ka 41- anyos nga babayi nga Provincial Government employee kag isa ka 43- anyos nga lalaki, empleyado sa isa ka pampubliko nga eskwelahan. Ang mga ini ang lunsay residente sang Sitio Proper, Barangay Cabugao, Roxas City. Sa subong, base sa rekord sang Capiz PHO, may yara sang 1,256 ka kumpirmado nga kaso sang COVID-19 ang probinsya kun sa diin 1, 188 diri ang recovered cases na samtang 59 ang nagkalamatay.
