PROBINSYA SANG CAPIZ, NAKABATON SANG DUGANG NGA ALOKASYON SANG BAKUNA KONTRA COVID-19!

Roxas City, Capiz – Nabaton na sang probinsya sang Capiz kahapon nga adlaw sang Martes, Oktubre 12, 2021 ang ika- 32 nga batch sang COVID-19 vaccines. Ini nga bakuna ang alokasyon sang probinsiya gikan sa gobierno-nasyonal pinaagi sa Department of Health(DOH).
Ginbaton sang Provincial Health Office(PHO) ang nasambitan nga bakuna nga ginalakipan sang 3,500 doses sang CoronaVac (SINOVAC) vaccine.
Ini ang napartinisir para sa Red Cross Bakuna Bus (Mobile Vaccination) kun sa diin target nga bakunahan ang subgroups nga A1 ukon nabilin nga Frontline Health Workers; A2 ukon nga Senior Citizens; A3 ukon Adults with Co-morbidities; A4 ukon Essential Workers kag A5 ukon ang Poor Population sa probinsya.
📷 – PHO

Facebook Comments