ATENSYON | Riding-in-tandem nga nagapangsabnit sang cellphone, liwat na naman nga nagpangbiktima sa Barangay Sibaguan, Roxas City!

Roxas City, Capiz – Liwat na naman nga nagpangbiktima ang riding-in-tandem suspects nga nagapangsabnit sang cellphone sa Barangay Sibaguan, Roxas City.
Alas 9 sang gab-i suno sa amay sang mga biktima, ginsugo sini ang iya anak nga i-off ang kontrol sang tubig sang gulpi ini nga ginpundohan sang motorsiklo nga itom(Suzuki Smash) nga may tatlo ka persona nga sakay.
Gintayaan sang isa sa mga suspek sang kutsilyo ang biktima kag pilot nga ginkuha ang cellphone.
Mangin ang duha pa ka mga persona nga nakapungko sa tabuk sang dalan samtang naga-gamit sang cellphone ang ginpalapitan man sang mga suspek kag gin-agaw ang cellphone.
Matapos ang insidente madasig nga nagpalagyo ang mga suspek.
Sa matandaan sang nakaligad nga adlaw, isa man ka persona ang nabiktima sang kasubong nga modos sa Barangay Tanza, Roxas City.
Suno sa mga kapulisan, nagapamangkot ang mga suspek sa ila biktimahon kun diin pwede makabakal sang ‘tingi-tingi’ nga gasolina, antes tayaan sang kutsilyo ang ila biktima kag kuhaon ang cellphone.
Padayon nga ginatutokan sang mga kapulisan ang nasambitan nga krimen.

Facebook Comments