SYUDAD sang Iloilo – Nagapanghanda na ang probinsya sang Guimaras sa pagdugok sang mga tawo nga magabisita sa pilgrimage site kag nagkalain-lain nga tourist attraction subong nga semana santa.
Ang Jordan Motorbanca Association (JMA) nagsecure na sang permit gikan sa Maritime Industry Authority (MARINA) para sa biyahe gikan sa Ortiz Wharf padulong sa Bondolan point sa Balaan bukid sugod April 15 bilang pagpanghanda sa mga magadugok nga pasahero nga magatabok sa isla.
Ginpahayag man ni Guimaras Police Provincial Office Director Colonel Julio Gustio nga magadeploy sila sang masobra 500 ka police personnel kag force multipliers agud ma-intensify ang security measures.
Magluwas sa matam-is nga mangga, kilala man ang guimaras sa tuigan nga ‘pagtaltal” sa Balaan bukid nga ginakadtu-an sang madamo nga mga tumuluo.
Photo from web// IMT News
