Ta man problema na cen amo el causa del un 68 anios paciente del un hospital para salta desde na segundo piso pa abaho y ya causa el su muerte.
Este cosa ya abla el pulis despues sila ya conduci el ondo investigacion aserca con el incidente.
Acordando del Biernes pasada alas 6 del noche ya manda pa el paciente consu esposa compra cumida afuera del hospital y cuando ya bira el mojer na cuarto ya espanta ya lang este trancao ya el puerta.
Ya tene pa que pidi ayuda con el empleyao del hospital para puese abre con el puerta y nuay mas adentro del cuarto el paciente.
Nuay tarda ya encontra ya lang cahido abaho el paciente y ya lleva pa con este na emergency room pero ya dispidi este.
El paciente ya admiti na hospital porcausa tiene este PTB.
Facebook Comments
