Nag-awhag karon si Police Chief Inspector Jovie Espenido sa publiko nga tabangan ang otoridad aron masumpo ang illegal nga droga.
Dungan niini gipahayag sa pulis nga lisod ug dali nga masulbad ang illegal nga droga tungod kay mismong anaa na sa gobyerno ang nalambigit niini.
Sa interview sa RMN Malaybalay ngadto kang Espenido gibutyag niini nga dili usab mabasol ang mga sibilyan kung mahadlok musumbong sa PNP tungod kay mismong mga pipila ka pulis pa ang anaa sa likod niini.
Gipahayag pa niya nga dili makalihok ang illegal kung dili tugutan sa pulis.
Hangyo ni Espenido sa publiko nga mag-ampo tungod kay nanginahanglan ug divine intervention ang giyera kontra droga.
Gidugang pa sa kontrobersiyal nga police commander nga kinahanglan nga magmaigmat ang publiko ug angayan bantayan niini ang tagsa-tagsa ka pamilya aron dili malambigit sa illegal nga droga.
