Problema sa illegal nga droga, usa ka social ug global issue – PNP

Gikalipay sa Bukidnon Provincial Police Office ang nigawas nga resulta sa survey nga mayorya sa mga Filipino kontento sa war on drugs.

Una niini sa gihimong SWS survey anaa sa 78 percent ang satisfied sa kampanya sa Duterte government batok sa illegal drugs samtang 13 percent naman ang dili kontento.

Sa interview sa RMN Malaybalay ngadto kang PSI Jisell Longakit, ang tigpamaba sa PNP Provincial Command gibutyag ninii nga welcome development kini sa ilaha tungod kay gihatagan ug bili sa publiko ang pagpaningkamot sa administrasyon.


Matud ni Longakit nga adunay mga namatay nga drugs suspect tungod kay nisukol sa lehitimong nga operasyon apan nasubo usab sila tungod kay adunay mga pulis usab ang napatay tungod kay gipusil sa target sa operasyon.

Gipahayag usab ni Longakit nga nakita usab ang epekto sa kampanya kontra droga, kamatouran niubos ang crime rate.

Gihatagan usab ug pagtagad niini nga ang problema sa droga usa ka social ug global issue maong dili kini dali nga masumpo pinaagi lang sa otoridad kon dili nagkinahanglan ug tabang sa publiko.

Samtang sa pikas bahin, gilauman na matud pa sa usa ka anti illegal drug advocate nga mayorya sa mga Pinoy ang kontento sa war on drugs.

Sa interview sa RMN Malaybalay ngadto kang Atty. Clarence Paul Oaminal, ang kanhi undersecretary sa Dangerous Drugs Board gibutyag ninii nga iyang nang gilauman ang pagpabor sa publiko sa mao nga lakang tungod kay walay kampanya kontra illegal nga droga ang panahon kaniadto ni kanhi Pangulong Noynoy Aquino nga gipahugtan sa administrasyong Duterte.

Apan gipahayag ni Oaminal nga pakyas ang gobyerno sa legal nga aspeto tungod kay anaa matud pa sa 80 hangtod 90 porsiyento ka kaso sa illegal drugs ang nabasura.

Wala usab daw nagmalampuson ang gobyerno sa bahin sa treatment and rehabilitation ug ang ikatulo, pakyas sa demand reduction tungod kay hangtod karon aduna pa gihapoy mga batan-on ang nalambigit niini.

Facebook Comments