Problema sa makina, unang nakitang hinungdan sa pagka-hagsa sa helicopter nga nagbilin ug pito ka patay sa Bukidnon

34

Mechanical discrepancy o problema sa makina ang unang nakit-ang hinungdan sa Philippine Army sa pagka-hagsa sa helicopter nga nagbilin ug pito ka patay nga sakay niini.

Mahinumduman nga nahagsa UH 1H helicopter sa Philippine Air Force (PAF), pasado alas-2:00 sa hapon niadtong Sabado, (Enero 16), sa Barangay Bulonay, Impasug-ong, Bukidnon.


Sa interview sa RMN Malaybalay ngadto kang BGEN. Ferdinand Barandon, ang commander sa 403rd infantry brigade, PA gibutyag niini nga ang mga namatay gilangkuban sa duha ka piloto, duha ka crew, usa ka sundalo ug duha ka CAFGU.

Ang mga piloto nailang sila si LtC. Arnie Arroyo, PAF-pilot in command ug 2Lt. Mark Anthony Caabay, PAF-co pilot.

Ang ubang sakay mao sila SSg. Mervin Bersabi, PAF-Gunner/ Crew Chief; Airman 1st Class Stephen Aggarado, PAF-Gunner; sundalo nga si Sgt. Julius Salvado, CAFGU Active Auxillary Jerry Ayukdo ug CAA Jamel Sugalang.

Matud ni Gen. Barandon nga gikan sa headquarters sa 403rd Infantry Brigade sa Malaybalay ang helicopter aron maghatud unta og food supply paingon sa patrol base sa 8th IB dihang nahagsa kini.




Sigun sa heneral nga ang UH 1H helicopter gisugdan ug gamit kaniadto pang Vietnam War.

Tungod sa mao nga insidente naghatag ug pahasubo ang 403rd Birgade sa pamilya sa 7 ka mga bayani nga namatay ug nagbuhis ug kinabuhi aron makabaton sa kalinaw ang komunidad.

Sa karon, gi-imbestigahan na sa PAF ang mao nga insidente.

Facebook Comments