Davao City – Giaksyonan na sa Brgy 23-C mini forest, Davao City ang problema sa ilang barangay kalabutan sa ginaparkingan og sakyanan ang sidewalk kilid sa gym nga maoy hinungdan sa pagkahasol sa mga commuters.
Ang maong problema gipaabot sa sibyahanan sa DXDC RMN Davao diin gilayon giadtuan sa Team DXDC ang maong Brgy. ug nainterbyu si Brgy. kagawad Abubakar Samlani atol sa programang Kuskos Batikos ni RadyoMaN Bernard Pantallon.
Gisulti ni Kagawad Samlani nga dugay na ang maong problema nga sagad nagaparking mga taga gawas o outsider ug dili gyod mabantayan gumikan kay kalit lang sila muparking.
Dugang sa kagawad nga gawas nga maghimo sila og lakang sa Brgy., makig koordinar usab sila sa City Transportation and Traffic Management Office kun CTTMO aron hingpit ng matagaan og kasulbaran ang maong problema.
RadyoMaN Don Pulayao
