Davao City – Nadakpan sa kapulisan sa Sta. Ana PNP ang usa ka laborer human nakuhaan og pinaugang marijuana alas 12:30 sa tungang gabii didto sa Brgy. Monteverde, Agdao ning syudad sa Davao.
Subay sa blotter sa Sta. Ana, naila ang dinakpan nga usa ka Jayvee Canque, 25 anyos, minyo ug nagpuyo sa purok 8 sa nasangpit nga Brgy.
Matud pa sa dihang nagduty ang mga pulis sa pagpanguna ni Police Officer 1 nga na-assign sa static post, didto ilang nasakpan ang suspek nga nakigtransak og gilayon gisikop ug giposasan ang suspetsado.
Nakuha gikan kang Canque ang usa ka rectangular self sealing sachet nga gituohang pinaugang marijuana nga dunay fruiting tops gani lakip nakumpiska ang usa ka improvised nga tubo nga duna pay sulod nga marijuana.
Ang dinakpan balhug na sa Sta. Ana PNP ug napasaka na sa kapulisan ngadto sa City Prosecutor’s Office sa kasong kalapasan sa republic act 9165 kun Comprehensive Dangerous Drugs Act of 2002.
RadyoMaN Don Pulayao
