Roxas City, Capiz- Nagnubo ang alokasyon sang bugas para sa probinsya sang Capiz para sa subong nga bulan sang Agosto. Ginsiling sang officer-in-charge sang NFA-Capiz nga si Mr. Jose Pacificador, nga wala sang nangin problema sang bulan sang Hulyo bangud nga kompleto naman ang alokasyon nga 10,000 ka sako sang bugas para sa Capiz.
Apang pag-abot sang bulan sang Agosto gikan sa orihinal nga alokasyon, anum ka libo ka sako sini ang nagkadto sa supplemental feeding sang Department of Social Welfare and Development(DSWD) kag ang nabilin nga apat ka libo ka sako na gid lamang ang nabilin. Bangud sini, tig-lima ka sako na gid lamang ang sarang nga mapaguha sang isa ka retailer sa kada adlaw.
May kaangut sini, nag-apelar naman si Magbanua sa publiko nga maghulat-hulat bangud indi malayo nga madugangan naman ang NFA rice allocation sang Capiz sa ikatatlo nga semana sang subong nga bulan.
Sa mahibaloan, nag-apelar mismo ang National Food Authority(NFA) sa mga accredited retailers nga unahon anay ang ginatawag nga “social obligation”.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
