Longganisa, chorizo gisakmit sa City Vet kay gikan sa lugar nga may african swibe fever
akaplagan sa City Veterinarian’s Office ang usa ka online seller nga taga Ideal Homes, Libertad, Butuan City, nga namaligya og processed meat, diin nasuta nga kining mga baligya gikan sa lugar nga positibo sa African Swine Fever (ASF).
Nakumpiska ang 64 packs nga skinless longganisa ug 35 packs ka chorizo nga mosuma total og 22.91 kilos nga gikan sa Davao.
Nasuta usab sa Meat Inspector ug sa Veterinarian nga niadto sa maong online seller nga ang mga gibaligya niini walay mapakita nga rehistro sa Food and Drug Administration (FDA), Food Registration ug Shipping Permit aron makita kung ang baligya niini luwas ba sa ASF.
Gipahimangnoan ang tanan nga likayan ang pagbaligya ug pagpalit sa mga meat products nga gikan sa lugar nga nagpositibo sa African Swine Fever.
Ang mga lugar nga apektado sa African Swine Fever mao ang mosunod: Tibook Luzon, Davao del Norte: Davao City, Panabo City, Tataingod ug Santo Tomas, Tibook Davao Del Sur, Tibook Davao Occidental, North Cotabato: Kidapawan City, Magpet, Makitata, Matatam, M’tang, President Roxas, Tulunan, Antipas, Arakan, Sultan Kudarat: Columbio, Saranggani: Atabel, Glan, Matapatan, ug Matungon.
Butuan City PIO
