General Santos City–Nagtingkagol karon sa selda sa Police Station 3 ang usa Ka Leo Angelo Cababayao, alyas Lac-Lac, 35 anyos Production Manager sa usa ka sand and gravel company nga nahimutang sa Baranagay San Isidro, ug nanimuyo sa Atis Street, Barangay Dadiangas West ning syudad human nga napalitan kini ug usa ka sachet sa gikatahapang shabu sa gipahigayon nga buybust operation sa maong estasyon.
Sumala pa ni Police Major Ruelito Lumiguid ang hepe sa Police Station 3 nga ang pagkasikop sa suspect ang resulta sa operasyon nga gihimo sa Police Station 1 kung asa gitudlo matud pa sa ilahang dinakpan ang suspect nga lambigit sab sa illegal drugs hinungdan nga gipahigayunan ug operasyon.
Matud ni Major Lumiguid nga wala sa ilahang watchlist ang nasangpit nga suspect tungod kay bag-o matud pa kini sa ilahang radar apan sa dihang Nasayran nga na-involve kini sa pagpamaligya ug droga gilayung nilang gikasa ang operasyon batok kaniya.
Nasayran nga napalitan ang suspek ug usa ka sachet sa shabu ug nakuha usab sa iyahang posisyon ang usa ka 500 pesos nga mark money.
Kasong pag supak sa RA 9165, sec 5 sa Art II kon pagpamaligya ug iligal nga droga ang nahisgutan.(Dave Silagan)
