Luyo sa pagsugba sugba og karne sa probinsyal kapitol aron ipakaon sa katawhan sa pagpamatod nga luwas mokaon og karne sa baboy, giangkon ni Dr. Benjamin Resma, Misamis Oriental Veterinarian nga apektado ang produksyon sa karne sa probinsya gani gareklamo ug gaproblema na ang mga mamaligyaay nga napa ubsan na ang ilang presyo sa karneng baboy tungod sa isyu sa ASF.
Apan wala gihapon sila nalugda sa pagpahibalo sa mga gapamuhi sa baboy ug sa katawhan nga luwas ang rehiyon sa asf gani matud pa ang mga commercial hog raiser gapanghatag na og disinfectant ngadto sa mga backyard hog raiser
Samtang, business as usual ang mga mamaligyaay sa karneng baboy sa dakbayan ug nagpabiling mokabat sa 300 ka baboy ang ga.ihawon sa slaughter matag adlaw ug wala matud pa nahadlok ang mga katawhan ug mamaligyaay sa ASF.
Gipanawagan usab niini nga dili lang gyud pakan.on og pasaw ang mga binuhing baboy sama sa pahimangno ni DA Secretary William DAR.
