Quality Appliance Plaza, gitulis

532
PC: RadyoMaN Jao Gumapac

Gitulis sa upat ka mga suspects ang Quality Appliance Plaza nga nahimutang sa JR Borja St., kagabie.

 

Matud ni Jose Braquez nga taga Cugman ug duty guard nga sakop sa Deltians Security Agency nga wala niini nabantayan ang mga suspects kay migawas kini sa establisyemento aron nga maglabay sa basura ug nakig-istorya kini ngadto sa asawa sa manager busa wala niini nabantayan ang mga suspects, kinsa daling mi deklara og hold up.


 

Nasayran nga mibungat ang mga suspect nga kwarta ra ang ilang tuyo busa ang mga empleyado sa Quality Appliance Plaza ang mihapa sa salog.

 

Dihang nakasulod ang mga suspects, dayon niining gipang himulbulan ang mga empleyado sa Quality Appliance Plaza kung asa gawas sa kwarta, nakuha usab sa mga suspect ang personal nga mga gamit niini sama sa cellphone.

 

Nasayran nga nag mask ang mga suspect, kinsa armado dihang misulod sa Quality Appliance Plaza busa wala nanawongan sa mga biktima ang mga responsible.

 

Matud sa mga empleyado nga nalangan sa pag uli ang mga empleyado tungod sa ilang gitiwas nga trabaho.

 

Sa kasamtangan, padayon ang kapulisan sa pag-ila ug pag pangita sa mga suspects.

Facebook Comments

From Advertisers