Ipadayon sunod semana ang Kathanor o profiling, sugod January 14, alang sa mga internally displaced persons o mga pamilya nga nawad-an og pinuy-anan ug mga residente nga nakabalik na sa Marawi City.
Ipahigayon kini lima ka higayon sulod sa usa ka semana, sugod sa Lunes hangtud sa Biyernes.
Matud pa ni Housing Assistant Secretary Felix Castro, field office manager sa Task Force Bangon Marawi, kapin siyete mil ka mga pamilya na ang na-profile alang sa Kathanor.
Ang Kathanor gipangunahan sa TFBM diin tumong niini nga kolektahon ang kung pila, ang lokasyon, ang estado ug uban pang data sa mga IDPs sa Marawi City.
Ang data na makalap maoy gamiton sa Gobyerno nga palamboon pa ang disenyo niini sa paghatud og tabang alang sa pagbangon sa Marawi. (Divina M. Suson)
