Arestado sa anti-illegal drug operation ang usa ka Project Supervisor sa contractor sa usa ka telecom company nga giilang si Jose Julian Lagon Rodriguez, alyas “Julian Jose,” 41 anyos, kasamtangang nagpuyo sa Purok-Sari-sari, Brgy. Golden Ribbon, Butuan City nga tubong Davao del Sur.
Alas 7:55 kaganinang buntag bitbit ang search warrant nga giisyu usa ka RTC Judge gironda ang lawak nga girentahan sa suspek.
Nakompiska ang walo (8) ka sachet sa suspected shabu dunay gimbug-aton nga lima ka gramo nga dunay street value nga 59 thousand pesos ug drug paraphernalia.
Pamahayag ni PMajor Emerson Alipit, Hepe sa Butuan Police Station 3, newly identified drug pusher ang suspek nga dugay na nilang gipailalom sa surveillance.
Ang maong pagpangronda ang gilusad sa hiniusang pwersa sa BCPS 3, BCPS 1 DEU, CIB-DEU ug PDEA-RO13.
Kasong Violation to Sec. 11 ug 12 sa RA 9165 kon illegal possession of prohibited drugs ang atubangon sa suspek nga karon gikustudiya sa Butuan Police Station 3.
#RMN #ButuanCity #PNP
