Ginpresentar sang Technical Education and Skills Development Authority 12 kag iban pa nga ahensya sang gobyerno ang mga programa sini sa mga residente sang Sitio Blit ang pinakamalayo nga sitio sang Brgy. Ned, Lake Sebu South Cotobato.
Upod sa pagsaka sa lugar ang Special Action Force, Provincial Mobile Force Company, Provincial Training Center, Surallah National Agricultural School (SUNAS), mga opisyal sang Barangay Ned kag mga empleyado sang TESDA Provincial Office South Cotabato.
Sa pahayag ni TESDA 12 Regional Director Rafael Y. Abrogar II nga ihatag ang training sang TESDA nga pagatawgon nga project TALA ukon TESDA Alay ay Liwanag kag Asenso sa sitio Blit.
May-angot sini, tudluan ang mga pumuluyo sang sitiosa Photo Voltaic System Installation sa diin Solar panel ang himuon sang mga ini nga pwede nila nga magamit sa ila puluy-an agud nga may-yara sang suga kag makacharge man sang ila mga cellphone kag flash light.
Sal-on naman sang TESDA ang mga materyales nga gamiton pati na ang training sa nasambit nga lugar.
Magluwas sa Photo Voltaic System Installation ipaidalom man sila sa training sa patag sang agrikultura nga ihatag sang SUNAS.
Samtang ginalauman naman ang pagpadulong sa lugar ni TESDA Director General Secretary kag Cabinet Officer for Regional Development and Security (CORDS) Isidro S. Lapeña agud nga pangunahan ang paglunsar sang project TALA.
by Tesda 12
