Mambusao, Capiz- Dakop ang duha ka mga persona bangod sa ilegal nga pabulang sa Brgy. Tumalalud banwa sang Mambusao alas 2:10 sang hapon.
Ini matapos nga nakabaton sang report ang mga kapulisan sang Mambusao nga may yara sang ginapatigayon nga “tupada” ukon pabulang sa Sitio Bukid, Brgy. Tumalalud, Mambusao, Capiz.
Arestado ang promoter nga si Ricardo Valencia Lago, 72-anyos sang Brgy. Tumalalud, Mambusao, Capiz kag sentensyador nga si Edgar Luces Jumpay, 51-anyos sang Brgy. Bating, Mambusao, Capiz.
Samtang wala naman madakpan ang iban pa nga mga persona nga yara sa lugar nga nagataya bangod madasig ang mga ini nga nagpalagyo sang mapuhag nga yara ang presensya sang mga kapulisan sa lugar.
Samtang narekober naman sa lugar ang tatlo ka mga inugbulang nga mga manok.
Ang amo nga mga persona ang nagbayolar sa Presidential Decree 449 as ammended by Presidential Decree 1602.
(web photo)
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
