Proper coordination sa mga LGUs importante sa pag manage sa mga LSI, suno kay Mayor Bing

Ginhatagan pagtamod ni Bacolod City Mayor Evelio Leonardia ang proper coordination sa pag-manage sang mga locally stranded individuals (LSIs) sa ginpatigayon nga virtual meeting upod sa national officials.

Sa amo nga virtual meeting, gintumod ni Mayor Bing ang ka-importansya sang nagakaigo nga koordinasyon kag inisyatibo sang mga local government bilang tikang sa pagsabat sa nagakasaka nga kaso sang COVID-19 sa mga LGUs.

Gintalakay man sa amo nga meeting ang mga protocols sa pag-manage sang pag-abot sang mga LSI sa ila tagsa ka ciudad, munisipalidad kag probinsya.


Bilang presidente sang League of Cities of the Philippines, nagpasugot si Mayor Bing sa suggestion nga ang LGU mag-coordinate sa Regional IATF imbes nga sa National IATF para sa kaayuhan kag accessibillity.

Ginhatagan man pagtamod sang alklade ang importansya sa pagpabilin sang utoridad sang LGUs sa pagpatuman sang local health protocols para sa mga LSI.

Lakip sa nagtambong sa amo nga virtual meeting sanday National Task Force COVID chief implementer secretary Carlito Galvez, Defense secretary Delfin Lorenzana, DILG undersecretary Epimaco Densing III kag Commission on Higher Education (CHED) chairman Popoy De Vera.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments