Covid-19 cases sa Negros Occidental kag Bacolod nadugangan sang 24 subong nga Martes

23

Nadugangan sang 11 ang mga kaso sang COVID-19 sa probinsya sang Negros Occidental samtang 13 naman sa syudad sang Bacolod subong nga adlaw sang Martes.


Base sa Case Bulletin No. 130 sang Department of Health Western Visayas, ang mga kaso sa Bacolod kag probinsya ang lunsay halin sa mga returning overseas Filipinos (ROFs).

Breakdown sang mga kaso sa Negros Occidental: Bago City – 2, Binalbagan – 1, Cauayan – 1, EB Magalona – 1, Hinigaran – 1, San Carlos City – 1, Sipalay City – 1, Talisay City – 1, Toboso – 1, Valladolid – 1.

Sa karon may 1,621 total cases na sang COVID-19 sa rehiyon kon sa diin 842 ang active cases matapos madugangan sang 74 ang mga kaso subong nga Martes, Agosto 4.

Nagdangat naman sa 758 ang total recoveries matapos nadugangan sang 20 subong nga adlaw.

Nagapabilin naman sa 21 ang nagkalamatay.

Sa mga kaso subong nga adlaw nagapanguna sa may pinakadamo ang probinsya sang Iloilo nga may 30, ginsundan sang syudad sang Iloilo -14, Bacolod City – 13, Negros Occidental – 11 kag Capiz nga may tatlo ka kaso.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments